تطمن ما نسيتك
تعودني على الفرقا وتزعل لاقدرت انساك
تخليني وتشره ليه لي كم يوم ماجيتك
مدام انك تبينى ليه من هنا ومن هناك
تعدانى ولا تسمع لصوتى يوم ناديتك
تعرف ان العمر كل العمر لو تطلبه يفداك
اجل ليه التغلى دامنى فالعين حطيتك
حبيبي كان شيطان الغرور بما حصل اغواك
ترى شيطان قلبي بك غوى من يوم لاقيتك
احبك حب لو جيت اشرحه جا اقصاك قبل ادناك
وتحنى كبرياءك بالخجل لو فيه ناجيتك
كتبتك لين خليت القصايد كلها تقراك
تنفستك نسم صدرى وسامرتك وونيتك
علشانك سجد شوقى على صدر الغلا لرضاك
ورب زينك انى بقدر الروح ساويتك
تعودنى على الفرقا وتشكيلى عنا فرقاك
تطمن ما نسيتك بس مثلت ..وتناسيتك